महोत्तरी । आज महोत्तरीको वनक्षेत्रमा जङ्गली हात्ती मृत अवस्थामा फेला परेको छ । जिल्लाको गौशाला नगरपालिकाको लक्ष्मीनियाँमा पर्ने सागरनाथ वन विकास परियोजनाको प्लट नं १४ ‘बी’मा भाले हात्ती मृत फेला परेको हो ।
पूर्वपश्चिम राजमार्गको लक्ष्मीनियाँ चोकबाट दक्षिणतर्फ जाने लक्ष्मीनियाँ–भरतपुर–सुन्दरपुर सडकको ढोलन खोला पुल नजिकैको वनमा मृत हात्ति फेला परेको बनमा घाँस दाउराका लागि गएका स्थानीयले स्थानीय प्रहरीलाई जानकारी गराएका थिए ।
उक्त हात्तीलाई गत आइतबार सर्लाहीको श्रीनगर वन क्षेत्रमा उसको गतिविधि थाहा पाउन पर्सा राष्ट्रिय निकुञ्जले जिपिएस रेडियो कलर जडान गरेको थियो ।
स्थानीयवासीले जङ्गली हात्तीले बालीनाली नोक्सान गर्दै आएको गुनासो गर्दै आएका डिभिजन वन कार्यालय जलेश्वरका प्रमुख हेमन्तप्रकाश साहले बताएका छन् । यसैबिच हात्तिको मृत्यु कसरी भन्ने बारे अनुसन्धान भइरहेको उनले बताएका छन् । मृत्यूको कारण पत्ता लगाएसँगै प्रचलित धार्मिक विधि अनुसार हात्तीको अन्त्येष्टि गरिने बताइएको छ ।
२०७६ साउन १५ गते प्रकाशित
वि.सं.२०७६ साउन १५ बुधवार १३:५९ मा प्रकाशित
