काठमाडौं । एनसीसी बैंकले बीसौं र एक्काइसौं वार्षिक साधारण सभाका लागि राष्ट्रिय सभा गृहमा भदौ २३ गते बिहान ११ बज बोलाएको छ ।
आर्थिक वर्ष २०७४÷०७५ को नाफाबाट सेयरधनीलाई १५.८९५ बोनस सेयर वितरण गर्ने प्रस्ताव पेश गर्नुका साथै कम्पनीले एफपीओ निष्काशनको व्यवस्था गर्ने विशेष प्रस्ताव साधारण सभामा लैजाने छ ।
एनसीसी बैंकले हाल कायम चुक्ता पुँजी ७ अर्ब १ करोड ८५ लाख रुपैयाँको १ अर्ब ११ करोड ५२ लाख ५३ हजार ५ सय २२ रुपैयाँ बोनस सेयर प्रस्ताव गरेको बैंकले जनाएको छ ।प्रस्तावित बोनस वितरणपछि पुँजी ८ अर्ब १३ करोड ३८ लाख रुपैयाँ पुग्नेछ । साथै त्यस्तै, साधारण सभाले बैंक सञ्चालक समितिको निर्वाचन पनि गर्नेछ ।
यसैगरी, साधारण सभाले अन्य उपयुक्त बैंक तथा वित्तीय संस्थासँग मर्जर तथा एक्विजिसन गर्न तथा वैदेशिक रणनीतिक साझेदारीमा जान सञ्चालक समितिलाई अख्तियारी गर्ने प्रस्ताव पनि पारित गर्नेछ ।
साधारण सभा प्रयोजनका लागि बैंकले साउन २६ (आइतबार) बुक क्लोज गर्ने र साउन २३ गते (बिहीबार) सम्म कायम रहेका सेयरधनीले साधारण सभामा भाग लिन तथा लाभांश पाउनेछन् ।
२०७६ साउन १९ गते प्रकाशित
वि.सं.२०७६ साउन १९ आइतवार १५:२६ मा प्रकाशित
