काठमाडौं । कुमारी बैंकले अघिल्लो वर्षको तुलनामा २८.०४ प्रतिशतले खुद नाफा वृद्धि गरेको छ । बैंकले सार्वजनिक गरेको आर्थिक वर्ष २०७५/७६ को चौथो त्रैमासिक वित्तीय विवरणमा उल्लेख गरिएको छ ।
गत आर्थिक वर्षको अन्त्यसम्म १ अर्ब ३३ करोड ४० लाख रुपैयाँ आर्जन गरेको थियो भने गत वर्ष यसै अवधिमा बैंकले १ अर्ब ४ करोड १८ लाख रुपैयाँ खुद नाफा कमाएको थियो ।
बैंकले गत आर्थिक वर्षको चौथो त्रैमाससम्ममा खुद ब्याज आम्दानी ४८.५५प्रतिशतले बढाएर ३ अर्ब १ करोड ९४ लाख रुपैयाँ पुर्याएको छ ।
साथै बैंकको सञ्चालन नाफा ४२.६५ प्रतिशतले बढेर १ अर्ब ९२ करोड ४७ लाख रुपैयाँ, रिजर्भ १९.७७ प्रतिशतले बढाएर २ अर्ब १४ करोड ९७ लाख रुपैयाँ जम्मा गरेको छ ।
रिटेन्ड अर्निङ ३६.०२ प्रतिशतले घटेर ९७ करोड ७४ लाख रुपैयाँ पुगेको छ । बैंकको प्रतिसेयर आम्दनी ०.८२ रुपैयाँ बढेर १५ रुपैयाँ ३६ पैसा, नेटवर्थ १३६ रुपैयाँ ६४ पैसा छ ।
२०७६ साउन २० गते प्रकाशित
वि.सं.२०७६ साउन २० सोमवार ०८:०७ मा प्रकाशित
