काठमाडौं । सूर्या लाइफ इन्सुरेन्सले हकप्रद सेयर निष्कासनका लागि कम्पनीले ७० प्रतिशत हकप्रद सेयर बिक्री गर्न साउन २९ गते बुक क्लोज गर्ने भएको छ ।
साउन २८ गते सम्म कायम रहने सेयरधनी मात्र हकप्रद भर्न पाउने छन । कम्पनीको हाल कायम १ अर्ब १३ करोड १९ लाख रुपैयाँ पुँजीको १०ः७ अनुपातमा ७९ लाख २३ हजार ३ सय कित्ता हकप्रद सेयर निष्कासन गर्न लागेको हो । हकप्रद निष्कासन मिति भने तय नभएको कम्पनीे जनाएको छ ।
उक्त हकप्रदमा एनआइसी एसिया क्यापिटलले बिक्री प्रबन्धकको काम गर्नेछ । रेटिङ एजेन्सी केयर रेटिङ नेपालले सूर्याको हकप्रदलाई औसत भन्दा कमजोर आधार जनाउने ‘केयर एनपी ग्रेड ४’ रेटिङ दिएको छ ।
२०७६ साउन २० गते प्रकाशित
वि.सं.२०७६ साउन २० सोमवार १३:३० मा प्रकाशित
