काठमाडौं । प्राइम लाइफ इन्सुरेन्सले गत आर्थिक वर्षको चौथो त्रैमासमा ३१ करोड ३० लाख ९७ हजार रुपैयाँ खुद नाफा कमाएको छ ।
यो नाफा रकम अघिल्लो वर्षको भन्दा ४४.७० प्रतिशतले बढि हो । अघिल्लो वर्ष प्राइमले २१ करोड ६३ लाख ६७ हजार रुपैयाँ मात्र खुद नाफा कमाएको थियो ।
अघिल्लो वर्ष कम्पनीले २ अर्ब २१ करोड २४ लाख ४० हजार रुपैयाँ खुद बिमा शुल्क आर्जन गरेको कम्पनीले खुद बिमा शुल्क पनि २९.६० प्रतिशतले बढाएर २ अर्ब ८६ करोड ७४ लाख ३ हजार रुपैयाँ पुर्याएको छ
।
यस त्रैमाससम्ममा कम्पनीले कुल ५० करोड ७० लाख ९ हजार रुपैयाँ बराबरको दाबी भुक्तानी गरेको छ । भुक्तानी हुन बाँकी दाबी रकम भने कुल ८० लाख ४४ हजार रुपैयाँ , ३९ करोड ६८ लाख रुपैयाँको दाबी भुक्तानी गरेको छ ।
प्राइमले जीवन बिमा कोष पनि ३६.१६ प्रतिशतले वृछि गरि ८ अर्ब ९० करोड ५१ लख ४६ हजार रुपैयाँ पुर्याएको छ । अघिल्लो वर्ष जीवन बिमा कोषमा ६ अर्ब ५३ करोड ९८ लाख ९१ हजार रुपैयाँ रहेको थियो । कम्पनीले महाविपत्ति कोषको लागि १२ करोड ३५ लाख ७१ हजार रुपैयाँ छुट्याएको छ ।
चुक्ता पुँजी १ अर्ब ७८ करोड ४८ लाख ३५ हजार रुपैयाँ रहेको प्राइमको रिजर्भ कोषमा भने १ अर्ब २४ करोड ५४ लाख ४६ हजार रुपैयाँ रहेको छ । प्रतिसेयर आम्दानी १० रुपैयाँ ५४ पैसा र प्रतिसेयर नेटवर्थ १७६ रुपैयाँ ७० पैसा रहेको छ ।
वि.सं.२०७६ साउन २१ मंगलवार ०९:०१ मा प्रकाशित