दोलखा । अनलाइन सेवा सुरु गरेपछि मालपोत कार्यालय दोलखाले गत आर्थिक वर्षको भन्दा २०७५/७६ मा १० प्रतिशत कम राजस्व संकलन गरेको छ ।
दक्ष कर्मचारी अभाव, साइबरमा समस्या र कामको चापका कारण राजस्व संकलन १० प्रतिशतले घटेको हो । ‘अनलाइन सेवामा साइबरको सुस्त गतिका कारण मालपोत कार्यालयले ४ करोड राजस्व आव २०७५/७६ मा संकलन गरेको छ ।
विगतका आवभन्दा १० प्रतिशतले कमी भएको मालपोत कार्यालयको खरिदार मुरारी दुलालले बताए । खरिदार दुलालका अनुसार मालपोत कार्यालय दोलखाले ४ करोड ८५ लाख १२ हजार ५ सय ४६ रुपैया राजस्व संकलन गरेकोे छ ।
२०७५/७६ मा सबैभन्दा बढी राजीनामा पास बाट राजस्व संकलन गरेको कार्यालय प्रमुख खड्गबहादुर कार्कीले बताए । कार्यालय प्रमुख कार्कीले भने, ‘२ हजार ५ सय ६२ राजीनामा पासबाट ३ करोड १२ लाख र छोडपत्रबाट २५ लाख ५ हजार ५ सय ९० रुपैयाँ राजस्व संकलन गरेका छौं ।’
२०७६ साउन २४ गते प्रकाशित
वि.सं.२०७६ साउन २४ शुक्रवार १५:०६ मा प्रकाशित