बागलुङ । बागलुङको तमानखोला गाउँपालिका–४ का पहिरो पिडितहरुलाई १ लाख ४८ हजार नगद सहित अन्यसामाग्री वितरण गरिएको छ ।
ढोरपाटन नगरपालिका–१ र तमानखोला गाउँपालिकामा समाजसेवी, बुद्धिजिवीहरु, पत्रकारहरुको विशेष सक्रियतामा संकलन गरिएको उक्त राहत वितरण गरिएको हो । जनप्रतिनिधी, राजनैतिक दलका प्रमुख तथा प्रतिनिधी, समाजसेवी, बुद्धिजिवी तथा पत्रकारहरुको रोहबरमा वितरण गरिएको थियो ।
अभियानबाट संकलित १ लाख ४८ हजार राहत रकम सहित खाद्यन्न, लत्ता कपडा, भाडाँकुडा लगायतका अन्य सामाग्री पीडित परिवारलाई शुक्रवार हस्तान्तरण गरिएको छ । पहिरोमा परी मृत्यु भएका मृतकका परिवारलाई जनही २४ हजार ४ सय ५५ रुपैयाँका दरले ३ घर परिवारलाई ७३ हजार ३ सय ६५ रुपैयाँ, गम्भीर घाइते ३ जनाका परिवारलाई १२ हजार २ सय २५ का दरले ३६ हजार ६ सय ७५ रुपैयाँ र पहिरो प्रभावित ५ परिवारका सामान्य घाईते भएका ४ जनालाई जनही ९ हजार ४५ का दरले ३६ हजार १ सय ८० रुपैयाँ राहत रकम हस्तान्तरण गरिएको थियो ।
यस्तै राहत संकलन अभियानकै क्रममा संकलित चामल, दाल, नुन,तेल लगायत आड्ने बलाङकेट तथा लत्ता कपडा वितरण गरिएको राहत संकलन अभियान्ता एवंम पत्रकार योगेन्द्र विश्वकर्माका जानकारी दिनुभयो ।
गत १९ गते आईतबार राती सन्तरमा अविरल वर्षासंगै गाउँ माथिबाट आएको भिषण पहिरोमा परी तीन जनाको मृत्यु भएको थियो भने सात जना घाइते भएका थिए ।
२०७६ साउन २५ गते प्रकाशित
वि.सं.२०७६ साउन २५ शनिवार १२:३९ मा प्रकाशित
