काठमाडौं । प्रधानमन्त्री केपी ओलीले सर्वदलीय बैठक बोलाउनुभएको छ । दलहरूबीच संवादको अवस्था कायम राख्न प्रधानमन्त्रीले सर्वदलीय बैठक बोलाउनुभएको हो ।
प्रधानमन्त्रीले मंगलबार साँझ ५ बजे प्रधानमन्त्री निवास बालुवाटारमा बोलाउनुभएको बैठकमा संसदमा रहेका दलहरूलाई बोलाइएको प्रधानमन्त्रीका प्रेस सल्लाहकार डा. कुन्दन अर्यालले जानकारी दिनुभयो ।
बैठकमा प्रधानमन्त्री ओलीले समसामयिक राजनीति र आफ्नो सिंगापुर भ्रमणबारे जानकारी गराउनुहुने बताइएको छ ।
केही दिन अघिमात्रै सिंगापुरमा स्वास्थ्य परीक्षण गराएर फर्किनुभएका प्रधानमन्त्री पुनःपरीक्षणका लागि फेरि सिंगापुरतर्फ जानुहुने भएको हो ।
संसदमा हाल नेपाल कम्युनिस्ट पार्टी (नेकपा) सहित नेपाली कांग्रेस, समाजवादी र राजपा छन।
२०७६ भदौ ३ गते प्रकाशित
वि.सं.२०७६ भदौ ३ मंगलवार ०९:१६ मा प्रकाशित
