काठमाडौं । एभरेष्ट इन्स्योरेन्सले अघिल्लो आर्थिक वर्ष २०७४/७५ को वार्षिक साधारण सभा असोज १ गते गर्ने भएको छ ।
कम्पनीले वार्षिक प्रतिवेदन पारित, लेखापरिक्षकको नियुक्ति र पारिश्रमिक निर्धारण लगायतको विषयमा छलफल गर्न सभा बोलाएको हो ।
निर्जीवन बीमा व्यवसाय गर्ने उपयुक्त कम्पनीसँग गाभ्ने गाभिने वा प्राप्ती गर्ने सम्बन्धी सम्पूर्ण अधिकार सञ्चालक समितिलार्य प्रदान गर्ने प्रस्ताव समेत सभाका लागि तय भएको छ ।
अग्रवाल भवन कमलपोखरी काठमाडौंमा दिउसो २ बजे शुरु हुने सभा प्रयोजनका लागि कम्पनीले भदौ २२ गते एक दिन बुक क्लोज गर्ने बताएको छ । बुक क्लोजको आधारमा सभामा भाग लिन भदौ २१ गतेसम्म शेयर कायम गर्नुपर्नेछ ।
यस वर्ष कम्पनीले लाभांश भने दिएको छैन । कम्पनीले बीमा समितिले तोके बमोजिम १ अर्ब रुपैयाँ चुक्तापूँजी कायम गरिसकेको छ ।
हाल कम्पनीको चुक्तापूँजी १ अर्ब ४ करोड २९ लाख ४८ हजार रुपैयाँ छ । गत असार मसान्तसम्म कम्पनीले ६ करोड ८ लाख ६ हजार रुपैयाँ खुद नाफा गरेको छ ।
२०७६ भदौ ६ गते प्रकाशित
वि.सं.२०७६ भदौ ६ शुक्रवार १३:५९ मा प्रकाशित
