काठमाडौं । नेपाली बजारमा सुनको मुल्य धामाधम बढ्ने क्रम जारी छ । सुनको भाउ एकैदिन प्रतितोला १ हजार रुपैयाँले बढेको छ ।
सोमबार नेपाली बजारमा सुनको मुल्य प्रतितोला ७३ हजार ५ सयमा कारोबार भइरहेको नेपाल सुनचाँदी व्यावसायी महासंघले जनाएको छ ।
आइतबार सुनको भाउ प्रतितोला १ हजार २ सय रुपैयाँले बढेर ७२ हजार ५ सय रुपैयाँमा कारोबार भएको थियो ।
महासंघका अनुसार तेजाबी सुनको मूल्य पनि प्रतितोला १ हजार रुपैयाँले बढेर ७३ हजार २ सय रुपैयाँ पुगेको छ । सोमबार चाँदीको मूल्य प्रतितोला ८६० रुपैयाँ रहेको छ ।
पछिल्लो सयम सुनको भाउ निरन्तर बढेपछि बजारमा क्रेता ज्यादै न्यून देखिएका छन । तीज नजिकीदै गइरहेको बेलामा सुन माग बढ्ने भनिएता पनि मुल्य मात्र बढिरहको छ । तीजको मौकामा गर/गहना जोड्नेहरुलाई भार पर्ने भएको छ ।
२०७६ भदौ ०९ गते प्रकाशित
वि.सं.२०७६ भदौ ९ सोमवार ११:४८ मा प्रकाशित
