रोल्पा । गाउँपालिकाले गरेको गलत निर्णयका कारण रोल्पाका ६ विद्यालयमा कार्यरत करिब दुई दर्जन बढी शिक्षकले एक वर्षयता तलब खान पाएका छैनन ।
शिक्षकले तलब त पाएनन् नै विद्यार्थीको छात्रवृती, खाजा, पुस्तक र मसलन्दको रकम समेत रोकिएको छ । पश्चिम रोल्पाको गंगादेब गाउँपालिकाले औपचारिक रुपमै विद्यालयहरुको बैङ्क खाता रोक्का गरिदिएपछि शिक्षक विद्यार्थीको बिचल्ली भएको हो ।
‘तलब नखाएको करिब एक वर्ष भयो। किताब, छात्रवृृती, मसलन्द सबै रकम रोकिएको छ । कहाँ गुनासो गर्ने ।’ जनचेतना प्राबि जिनावाङका प्रअ सीता वलीले भन्नुभयो ‘शिक्षक महासंघमा पनि कुरा राखेको हो । ऋण गरेर स्कुल चलाउदै छौ ।
प्रअ भएपछि विद्यालय चलाउनै पर्यो बडो कठिन छ । हाम्रो समस्या सबैलाई थाहा छ तर समाधानमा कसैले पहल नै गरेन ।’
उहाँजस्तै लोकतन्त्र प्राबि राकका प्रअ टोप बहादुर केसी पनि विद्यालयको बिजोग सुरु भएको बताउनुहुन्छ ।
‘गत वर्ष साउनदेखि तलब पाएका छैनौ । खाता रोक्का छ । ऋण गरेर विद्यालय चलाएका छौ । ’ उहाँका अनुसार विद्यार्थीलाई छात्रबृती र खाजा पनि दिइएको छैन । ५ जना शिक्षकले एक वर्ष यता उधारोमा पढाई रहेका छन ।
दसरथबिन्दु प्राबिका प्रअ चन्द्र कला वली, इन्द्र सेवक प्राबिका प्रअ राजकुमार वली पनि गाउँपालिकाले खाता बन्द गरेपछि विद्यालय संचालनमा समस्या आएको बताउनुहुन्छ ।
‘पोहर असारमा पैसो आएको । त्यसपछि आएको छैन, खाजा बन्द छ । छात्रवृृती पनि छैन । अस्तब्यस्त छ ।’ शिक्षक भन्छन कतिन्जेल ऋण र उधारो विद्यालय चलाउने ।
विभिन्न शिक्षक संगठनका नेता र शिक्षक महासंघमा पटक/पटक गुनासो गरे पनि समस्याको समाधान नभएको शिक्षकहरु बताउँछन । नागरिक दैनिकमा समाचर प्रकाशित छ ।
२०७६ भदौ १२ गते प्रकाशित
वि.सं.२०७६ भदौ १२ बिहीवार ११:०१ मा प्रकाशित