काठमाडौं । आर्थिक पत्रकार समाज नेपाल (सेजन)को अध्यक्षमा भीमप्रसाद गौतम निर्वाचित भएका छन् । उनी मोदनाथ ढकाललाई १० मतले पराजित गर्दै निर्वाचित भएका हुन् । निर्वाचनमा खसेको दुई ३३ मतमध्ये गौतमले १२० र ढकालले ११० मत प्राप्त गरेका हुन् ।
त्यस्तै, महासचिवका लागि सुजन ओली निर्वाचित भएका छन् । उनी प्रतिद्वन्द्वी अच्युत पौडेललाई ४० मतले पराजित गर्दै महासचिवमा वियजी भएका हुन् । ओलीको पक्षमा एक सय ३५ मत खस्दा पौडेलको पक्षमा ९५ मत खसेको थियो ।
त्यस्तै, उपाध्यक्षमा सरस्वती ढकाल गोलाप्रथामार्फत निर्वाचित भइन् । उनीसहित प्रत्यासी विष्णु बेलबासे ८३ मतमा बराबरी भएपछि गोलाप्रथा गरिएको थियो । उपाध्यक्षमा अर्का प्रत्यासी अनुज ढुंगेलले ६७ मत ल्याएका थिए ।
सचिवमा कृष्ण रिजालले विजय हासिल गरेका छन् भने सदस्यहरूमा विनय बञ्जारा, मुना कुँवर, सुजन ढुंगेल, हिमा विक र कमला अर्याल विजयी भएका छन् ।
२०७६ भदौ १५ गते प्रकाशित
वि.सं.२०७६ भदौ १५ आइतवार ०६:५३ मा प्रकाशित