काठमाडौं । ग्लोबल आइएमई बैंक र हाथवे फाइनान्सबीच एक्विजिसन प्रक्रिया सम्पन्न भएको छ । ग्लोबलले हाथवेलाई एक्वायर गरी बुधबार (भदौ १८ गते) देखि एकीकृत कारोबार समेत सुरु गर्ने भएको छ ।
अब ग्लोबल आइएमई बैंक लिमिटेडको नामबाट एकीकृत कारोबार हुनेछ । ग्लोबल र हाथवेको संयुक्त निवेदनपछि राष्ट्र बैंकले भदौ ५ गते र कम्पनी रजिष्ट्रारको कार्यालयले भदौ १५ गते एकीकृत कारोबार गर्न अन्तिम स्वीकृति दिएको थियो ।
यी दुई संस्थाले भदौ १४ गते सम्पन्न विशेष साधारण सभाबाट मर्जर सम्बन्धी विशेष प्रस्ताव पारित गरेका थिए । एकीकृत हुनुअघि ग्लोबलको चुक्ता पुँजी १० अर्ब ३१ करोड रुपैयाँ र हाथवेको ३० करोड रुपैयाँ पुँजी रहेको छ ।
२०७६ भदौ १६ गते प्रकाशित
वि.सं.२०७६ भदौ १६ सोमवार १३:०६ मा प्रकाशित