काठमाडौं । सिद्धार्थ इक्वीटी ओरियन्टेड स्कीमले आफ्नो स्वामित्वमा रहेको शेयर तथा डिबेञ्चरहरु बोलकबोल मार्फत बिक्री खुल्ला गरेको छ।
ओरियन्टेड स्कीमले आफ्नो स्वामित्वको ३ लाख २ हजार ९११ कित्ता शेयर तथा डिबेञ्चर भदौ १६ गते सोमबारदेखि बिक्री खुला गरेको हो। जसमध्ये १६ कम्पनीको २ लाख ७६ हजार कित्ता शेयर र ३ कम्पनीको २६ हजार कित्ता डिबेञ्चर रहेका छन्।
सिद्धार्थ इक्वीटी ओरियन्टेड स्कीम साउन ६ गते परिपक्क भइसकेको छ। योजना व्यवस्थापकले योजना खारेजीमा लैजान फण्डको स्वामित्वमा रहेको शेयर तथा डिबेञ्चरहरु लिलामी बिक्रीमा ल्याएको हो।
फण्डले लिलामीमा ल्याएको शेयरमध्ये सबैभन्दा धेरै युनिभर्सल पावर कम्पनीको ६७ हजार ४८० कित्ता रहेको छ भने युनिलिभर नेपालको सबैभन्दा थोरै ८० कित्ता रहेको छ।
लिलामी शेयरमा सर्वसाधारण व्यक्ति, फर्म तथा कम्पनी र संस्थाहरुले सिद्धार्थ क्यापिटल मार्फत भदौ २२ गतेसम्म आवेदन दिन सक्नेछन्। लिलामी शेयरमा परेको बोलपत्र आवेदन भदौ २३ गते बिहान १० बजे खोलिने सिद्धार्थ क्यापिटलले जनाएको छ।
२०७६ भदौ १६ गते प्रकाशित
वि.सं.२०७६ भदौ १६ सोमवार १३:३८ मा प्रकाशित
