काठमाडौं । बैंकको एटीएम प्रणाली ह्याक गरेर नगद लुट्ने समूहमा आवद्ध भएको आशंकामा प्रहरीले ३ जना नेपाली नागरिकलाई पनि पक्राउ गरेको छ ।
महानगरीय प्रहरी परिसर काठमाडौंबाट खटिएकाले टोलीले सोमबार ठमेलबाट उनीहरुलाई पक्राउ गरेको हो । प्रहरीले ठमेलस्थित एक मनि चेन्जरबाट देवनाथ लामिछाने, रोशन प्रधान श्रेष्ठ र रेवति दवाडीलाई पक्राउ गरेको हो ।
बैंकिङ प्रणाली ह्याक गरी एटीएमबाट रकम लुट्ने चिनियाँ गिरोहमध्ये शनिबार मनिचेन्जरमा पुगरे २९ लाख ९९ हजार रुपैयाँ डलरमा साटेको प्रहरी अनुसन्धानबाट पत्ता लागेपछि थप छानबिनका लागि उनीहरुलाई नियन्त्रणमा लिइएको प्रहरीले जानकारी गराएको छ ।
यसअघि प्रहरीले पैसा चोरिरहेको अवस्थामा चिनियाँ ह्याकरहरुलाई नियन्त्रणमा लिई अनुसन्धान गरिरहेको छ ।
२०७६ भदौ १६ गते प्रकाशित
वि.सं.२०७६ भदौ १६ सोमवार १७:१९ मा प्रकाशित
