काठमाडौं । नेपाल पञ्चाङ निर्णायक समितिले यस वर्षको बडा दशैंको टीकाको साइत सार्वजनिक गरेको छ ।
शनिबार बसेको पञ्चाङ निर्णायक समितिको बैठकले विजया दशमी असोज २१ गते (मंगलबार) बिहान १० बजेर ३५ मिनेटको साइतमा टीका ग्रहण गर्न उत्तम रहेको निर्णय गरेको हो ।
पञ्चाङ निर्णायक समितिका अनुसार विजया दशमीको दिन देवी विसर्जन गर्ने साइत बिहान ८ बजेर ४५ मिनेटका लागि निर्धारण गरिएको हो ।
यस वर्ष असोज १२ गते (आइतबार) देखि नवरात्र शुरु हुनेछ । नवरात्रको पहिलो दिन घटनास्थापनाका लागि पनि बिहान १०ः३० कै समय उत्तम रहेको समितिले बताएको छ ।
यस वर्ष असोज १९ गते आइतबार महाअष्टमी, २० गते महानवमी र २१ गते विजया दशमी परेको छ ।
२०७६ भदौ २२ गते प्रकाशित
वि.सं.२०७६ भदौ २२ आइतवार १५:४७ मा प्रकाशित
