काठमाडौं । उच्च अदालत पाटन हेटौंडा इजलासले पत्रकार शालिकराम पुडासैनीको आत्महत्या प्रकरणमा धरौटीमा रिहा भएका कार्यक्रम प्रस्तोता रवि लामिछानेसहितको विषयमा भोलि भदौ २६ गते सुनुवाई हुुने जनाएको छ ।
पत्रकार शालिकराम पुडासैनीको आत्महत्या प्रकरणमा चितवन जिल्ला अदालतबाट धरौटीमा रिहा भएका लामिछने, पत्रकार युवराज कँडेल र अस्मिता भन्ने रुकु कार्कीलाई पुर्पक्षका लागि थुनामा राख्न माग गर्दे सरकारी वकिलको कार्यालयले सोमबार उच्च अदालतमा रिट दायर गरेको थियो ।
उक्त रिट माथि मंगलबार भएको सुनुवाइमा न्यायाधीश टेकराज नेपालको एकल इजलासले रविसमेतको निवेदन, सरकारी वकिल कार्यालयको निवेदन र चितवन जिल्ला अदालतले पठाएको प्रतिवेन साथ राखी पेश गर्न आदेश दिएको प्रवक्ता अमृत घिमिरेले जानकारी दिनुभयो । यो विषयमा भोलि भदौ २६ गते सुनुवाई हुने उहाँले बताउनुभयो ।
यसअघि लामिछाने र कँडेलले चितवन जिल्ला अदालतले दिएको आदेश बदरको माग गर्दै उच्च अदालत पाटनको हेटौंडा इजलासमा निवेदन दिएका थिए ।
यो पनि पढ्नुहोस् रवि लामिछानेविरुद्धको निवेदनको सुनुवाई सकियो, अव के हुन्छ ?
लामिछाने र कँडेलको निवेदनमा भएको सुनुवाइमा जिल्ला अदालत चितवनसँग भएको मुद्दासँग सम्वन्धित सक्कल मिसिल कागजात मगाउन उच्च अदालत पाटन हेटौंडा इजलासले भदौ १८ गते निर्देशन दिएको थियो ।
उच्च अदालत पाटन हेटौंडा इजलासका न्यायाधीश टेकराज नेपालकै एकल इजलासले चितवन जिल्ला अदालतबाट सम्पूर्ण विवरण खुलाई आदेशसँग सम्वन्धित सक्कल मिसिल कागजात समेत साथै राखी प्रतिवेदन माग्नु भन्ने आदेश दिएका थिए । चितवन जिल्ला अदालतबाट सबै कागजात र प्रतिवेदन आइसकेको प्रवक्ता घिमिरेले जानकारी दिनुभयो ।
यो पनि पढ्नुहोस् रविसहित तीनै जनालाई पुर्पक्षका लागि हिरासतमा राखेरै अनुसन्धान गर्न माग गर्दै सरकारी वकिल पुगे उच्च अदालत
निवेदनको पक्षमा फैसला भए रवि लामिछाने पुर्पक्षका लागि थुनामा जानसक्छन । त्यस अवस्थामा उनी चितवन जिल्ला कारागारमा बन्दी बन्ने अवस्था हुनसक्छ । रविको पक्षमा फैसला भए जिल्ला अदालतको आदेश कायमै भएर उनी अहिले जस्तै बाहिर सक्रिय रहेर काम गर्न सक्छन ।
तर, मुद्दाको अन्तिम टुंगो नलागेसम्म उनले मुद्दासँग सम्बन्धित विषयमा बोल्न नपाउने आदेश पालना गर्नुपर्ने हुन्छ ।
२०७६ भदौ २५ गते प्रकाशित
वि.सं.२०७६ भदौ २५ बुधवार ०७:२० मा प्रकाशित
