काठमाडौं । एनएमबि क्यापिटलले सञ्चालन गरेको दुवै म्युचुअल फन्डको नेपाल स्टक एक्चेन्जमा नगद लाभांशको मूल्य समायोजन भएको छ ।
एनएमबि हाइब्रिड फन्ड एल १ र एनएमबि सुलभ इन्भेष्टमन्ट फन्ड १ को नगद लाभांश (प्रतिफल) मा मूल्य समायोजन भएको हो ।
एनएमबि हाइब्रिड फन्ड एल १ को १०% नगद लाभांशमा मूल्य समायोजन गरिएकोहो । समायोजनपछि बिहीबार यसको कारोबार प्रतिइकाई ८ रुपैयाँ ५२ पैसालाई आधार मानेर खुलेको छ । बुधबार यसको अन्तिम कारोबार प्रतिइकाई ९ रुपैयाँ ५२ पैसामा भएको थियो ।
यस्तै, एनएमबि सुलभ इन्भेष्टमन्ट फन्ड १ को १५% नगद लाभांशमा पनि मूल्य समायोजन भएको छ । मूल्य समायोजनपछि बिहीबार यसको कारोबार प्रतिइकाई ९ रुपैयाँ ६१ पैसालाई आधार मानेर खुलेको छ ।
बुधबार यसको अन्तिम कारोबार प्रतिइकाई ११ रुपैयाँ ११ पैसामा भएको थियो । सुलभ फन्ड असोज ३ गते परिपक्क हुँदैछ ।
२०७६ भदौ २६ गते प्रकाशित
वि.सं.२०७६ भदौ २६ बिहीवार ११:१२ मा प्रकाशित
