डोल्पा । राष्ट्रिय वाणिज्य बैंकले डोल्पामा शाखा कार्यालय सञ्चालनमा ल्याएको छ ।डोल्पो गाउँपालिका–१ मा शाखा कार्यालय डोल्पोबुद्ध सञ्चालनमा ल्याएको हो ।
उपप्रधान तथा रक्षामन्त्री ईश्वर पोखरेल तथा प्रतिनिधिसभा सदस्य जनार्दन शर्माले बैंकको २ सय ३८औं शाखा कार्यालयको उद्घाटन गर्नुभएको हो ।
कार्यक्रममा बैंकका प्रबन्धक होताराम योगी, उपप्रबन्धक लिलाराम ढुंगाना, मुड्केचुला शाखा प्रबन्धक जंगवीर विक तथा सहायक हेमराज बुढाको उपस्थित रहेको थियो ।
जिल्लाको छार्काताङ्गसोङ्ग गाउँपालिका–४ स्थित २ सय ३७औं शाखा कार्यालय पनि आइतबारदेखि नै सञ्चालनमा आएको बैंकले जानकारी दिएको छ ।
बैंकको हाल सातै प्रदेसका ७७ जिल्लामा गरी २ सय ३८ शाखा, २ सय ४ एटिएम र ९३ शाखारहित बैंकिङ सेवा रहेको छ ।
२०७६ भदौ २९ गते प्रकाशित
वि.सं.२०७६ भदौ २९ आइतवार १७:१५ मा प्रकाशित