काठमाडौं । गएको एक वर्षमा कर्मचारी सञ्चय कोषको मौजदात ३१ अर्बले बढेको छ । कोषले जारी गरेको सार्वजनिक सूचना अनुसार कोषको नगद मौजदात ३ खर्ब ९ अर्ब पुगेको छ । जुन अघिल्लो वर्ष २ खर्ब ७८ अर्ब थियो ।
कोषको कूल सम्पत्ति ३ खर्ब ४५ अर्ब पुगेको छ भने लगानी ३ खर्ब ३८ अर्ब, ३१ अर्ब जगेडा कोषमा राखेको कोषले सञ्चयकर्तालाई ८.२५ प्रतिशत ब्याजदार दिने भएको छ ।
सरकारी तथा संस्थागत गरी २६ हजार कार्यालयका ६ लाख संचयकर्ता भएको कोष विभिन्न आयोजनासँगै सञ्चयकर्तालाई ऋण तथा सापटी पनि दिने गरेको छ ।
सञ्चयकर्तालाई दिने सापटी तथा ऋणको ब्याजदर कोषले ९.५ दखेखि १०.२५ प्रतिशतसम्म लिने गरेको छ ।
कर्मचारी सञ्चयकोष ऐन २०१९ अनुसार वि.सं.२०१९ भदौ ३१ गते कोष स्थापना भएको कोषले यही आर्थिक वर्षदेखि सरकारले ल्याएको योगदानमा आधारित निवृत्तिभरण योजना पनि शुरु गरेको छ ।
हेर्नुहोस् कर्मचारी सञ्चय कोषले जारी गरेको सुचना
[pdf-embedder url=”http://www.arthatantra.com/wp-content/uploads/2019/09/Employees-Provident-Fund-Notice.pdf” title=”Employees Provident Fund Notice”]
२०७६ भदौ ३१ गते प्रकाशित
वि.सं.२०७६ भदौ ३१ मंगलवार ११:५१ मा प्रकाशित