काठमाडौ । चर्चित टेलिभिजन प्रस्तोता रवि लामिछानेलाई पुर्पक्षका लागि फेरी थुनामा राख्न निवेदन परेको छ ।
उनलाई अब थुनामा राख्ने नराख्ने टुंगो यसै हप्ता लाग्न सक्छ ।
सरकार वकिलले यसै हप्ता उच्च अदालत हेटौंडामा निवेदन दिएर शालिग्राम पुडासैनी मृत्यु प्रकरणको मुद्यामा जिल्ला न्यायाधीशले धरौटी तारेखमा छोडेपछि सरकारी वकिलको कार्यालयले र्पुपक्षका लागि थुनामा राख्न माग गर्दै पुनरावेदनमा निवेदन दिएपछि यसको सुनुवाई हुँदैछ ।
सुनुवाईपछि निवेदनबारे उच्च अदालतले आदेश दिनेछ । यसअघि चितवन जिल्ला अदालतले उनलाई धरौटीमा रिहा गर्ने आदेश दिएपछि रिहा भएका थिए ।
रिहाको विरुद्धमा सरकारी वकिल निवेदनसहित उच्च अदालत पुग्यो । उनीविरुद्ध फैसला भए दशैंको मुखमा चितवन कारागार चलान हुने सम्भावना रहन्छ ।
पक्षमा फैसला भए उनी विगतमा झै सक्रिय रहन सक्नेछन । तर, मद्दासम्बन्धित विषयमा बोल्न पाउने छैनन ।
यसैगरी, रवि लामिछानेकी पूर्वपत्नी इशा लामिछाने नेपाल आउँदैछिन। उनी असोजको दोस्रो हप्ताभित्र नेपाल आउने बुझिएको छ ।
उनले आउने दिनबारे केही खुलाएकी छैनन। आउने दिनको खुलासा भएमा मिडिया पछि लाग्न सक्ने भन्दै उनले आउने दिन गोप्य राखेकी हुन । अमेरिकामा रहेकी दुई छोरीलाई भने इशाले नल्याउने बुझिएको छ । तर उनी नेपाल आउँने पक्का भएको हो ।
२०७६ भदौ ३१ गते प्रकाशित
वि.सं.२०७६ भदौ ३१ मंगलवार १४:४४ मा प्रकाशित
