काठमाडौं । माछापुच्छ्रे बैङ्कको २१ औं वार्षिक साधारणसभा असोज २४ गते हुने भएको छ । सभाले गत आर्थिक वर्षमा गरेको नाफाबाट सेयरधनीलाई १६ प्रतिशत लाभांश दिने प्रस्ताव पारित गर्नेछ ।
बैङ्कले चुत्तापुँजीको ११ प्रतिशत अर्थात ८८ करोड ६१ लाख रुपैयाँ नगद लाभांश र ५ प्रतिशत अर्थात ४० करोड २७ लाख रुपैयाँ बोनस सेयर दिने प्रस्ताव सभाले पारित गर्नेछ ।
नगद र बोनस गरी बैङ्कले सेयरधनीलाई १ अर्ब २८ करोड ८९ लाख रुपैयाँ लाभांश वितरण गर्नेछ । यसैगरी सभाले बैङ्क तथा वित्तीय संस्थासंग मर्जर र प्राप्ति प्रक्रिया अघि बढाउन सञ्चालक समितिलाई अख्तियारी दिने प्रस्ताव पनि पेश हुने बैङ्कले जनाएको छ ।
२०७६ असोज ०५ गते प्रकाशित
वि.सं.२०७६ असोज ५ आइतवार १४:३६ मा प्रकाशित
