काठमाडौं । आईतबार १६ दशमलव ५ अंकले घटेको नेपाल स्टक एक्सचेन्ज (नेप्से) परिसूचकमा सोमबार झिनो अंकको सुधार देखिएको छ ।
सोमबार नेप्से १ दशमलव ७३ अंकले बढेर १ हजार ४ सय ४० दशमलव ९८ अंकमा कायम भएको छ। १ सय ७० वटा कम्पनीको ७ लाख ४३ हजार ३ सय १५ कित्ता सेयर ४ हजार ६ सय ८४ पटक खरिदबिक्री हुँदा १७ करोड ७२ लाख ७० हजार रुपैयाँ बराबरको मात्रै कारोबार भएको छ ।
सोमबार तीनवटा समूहको उपसूचक घटेको छ। जसमध्ये जलविद्युत समूहको उपसूचक शुन्य दशमलव ६८ अंकले, वित्त समूहको उपसूचक शुन्य दशमलव १७ अंकले र म्युचुअल फण्डको उपसूचक शुन्य दशमलव शुन्य ६ अंकले घटेको छ। सबैभन्दा धेरै जीवन बिमा समूहको उपसूचक १६ दशमलव ५९ अंकले बढेको छ ।
सोमबार सबैभन्दा धेरै कारोबार गर्नेमा प्रभु बैंक लिमिटेडको १ करोड २५ लाख २३ हजार रुपैयाँ बराबरको सेयर कारोबार भएको छ ।
त्यसैगरी, सबैभन्दा धेरै कमाउनेमा साल्ट ट्रेडिङ कर्पोरेसनका लगानीकर्ताले प्रतिकित्ता ४ दशमलव ९४ प्रतिशतले कमाएका छन भने सबैभन्दा धेरै गुमाउनेमा युनियन हाइड्रोपावर लिमिटेडका लगानीकर्ताले प्रतिकित्ता ३ दशमलव ७७ प्रतिशतले गुमाएका छन ।
२०७६ असोज ०६ गते प्रकाशित
वि.सं.२०७६ असोज ६ सोमवार १६:०८ मा प्रकाशित