काठमाडौं । ग्लोबल आइएमई बैंक र जनता बैंकलाई राष्ट्र बैंकले मर्जरको सैद्धान्तिक स्वीकृति दिएको छ । राष्ट्र बैंकको सञ्चालक समतिले यस्तो स्वीकृति दिएको हो ।
मर्जरका लागि ग्लोबलको प्रतिसेयर एक सय र जनताको प्रतिसेयर ८५ रुपैयाँ हुने गरी स्वाप रेसियो तय भएको छ । मर्जरपछि बन्ने बैंकको नाम पनि ग्लोबल आइएमई बैंक नै रहनेछ । चुक्ता पुँजी करिब १७ अर्ब ११ करोड रुपैयाँ पुग्नेछ ।
मर्जरपछि बन्ने बैंकको अध्यक्षमा ग्लोबल आइएमईका तर्फबाट चन्द्र ढकाल हुनेछन् भने प्रमुख कार्यकारी अधिकृतमा पर्शुराम कुँवर क्षेत्री हुने सम्झौता भएको छ ।
बैंकको वरिष्ठ डेपुटी सिइओमा महेश ढकाल हुनेछन् । बिग मर्जरमा लैजाने राष्ट्र बैंकको योजनाअनुसार यी दुई बैंक मर्जरमा जान लागेका हुन।
अन्य वाणिज्य बैंकहरूले समेत मर्जरमा जाने राष्ट्र बैंकलाई जानकारी गराएको भए पनि जोडी भने खोजिसकेका छैनन।
२०७६ असोज ०९ गते प्रकाशित
वि.सं.२०७६ असोज ९ बिहीवार ०८:३१ मा प्रकाशित
