काठमाडौ । नेपाल स्टक एक्सचेन्ज (नेप्से) लिमिटेडमा सुचिकृत २७ मध्ये १७ वटा वाणिज्य बैङ्कहरुले सेयरधनीहरुलाई दिने लाभांश घोषणा गर्न बाँकी छ ।
१० ओटा वाणिज्य बैङ्कहरुले सेयरधनीलाई दिने लाभांश प्रस्ताव गरिसकेका छन । सिटिजन्स र एनआईसी एसिया बैङ्कले शुक्रबार साधारणसभा गरेर सेयरधनीलाई लिने लाभांश पारित गरेका छन ।
सिटिजन्स र एनआईसी एसिया लाभांश वितरण गर्ने पहिलो बैङ्क भएका छन । सेयरधनीले दशैअघि नै लाभांश पाउने भएका छन ।
गत वर्ष धेरै लाभांश दिने नविल, नेपाल इन्भेष्टमेन्टलगायत १७ बैङ्कहरुले लाभांश घोषणा गर्न बाँकी छ । कृषि विकास, नेपाल बैङ्क, ग्लोबल आइएमई, स्ट्याण्डर्ड चाटर्ड, नेपाल एसबीआई, एभरेष्ट, हिमालयन, प्राइम कर्म्र्शियल, नेपाल क्रेडिट एन्ड कमर्श (एनसीसी), सिभिल, प्रभु, लक्ष्मी, सेन्चुरी कमरशियल, एनएमबी र नेपाल बंगलादेश बैङ्कहरुले लाभांश घोषणा गरेका छैन ।
लाभांश प्रस्ताव गर्ने सिटिजन्स, सानिमा, जनता, माछापुच्छ्रे, सनराइज, सिद्धार्थ, कुमारी, एनआइसी एसिया, बैङ्क अफ काठमाडु र मेगा बैङ्क रहेका छन । राष्ट्रिय वाणिज्य बैङ्कमा सर्वसाधारणको लगानी नभएकाले नेप्सेमा सुचिकृत छैन ।
प्रस्ताव गर्ने मध्ये सबैभन्दा बढी लाभांश सिद्धार्थ बैङ्कको छ । सिद्धार्थले सेयरधनीलाई नगद र बोनस सेयर गरी २५.२६ प्रतिशत लाभांश प्रस्ताव गरेको छ ।
सिद्धार्थले चुत्तापुँजीको १० प्रतिशत बोनस सेयर र १५.२६ प्रतिशत नगद लाभांश प्रस्ताव गरेको हो । बोनस सेयर वितरणपछि चुक्ता पूँजी ९ अर्ब ७६ करोड रुपैयाँ पुग्ने सिद्धार्थले जनाएको छ ।
सबैभन्दा कम लाभांश कुमारीको छ । कुमारीले १० प्रतिशत बोनस सेयर प्रस्ताव गरेको छ । जनताले ६ प्रतिशन बोनस र ६ प्रतिशत नगद गरी कुल १२ प्रतिशत लाभांशको प्रस्ताव गरेको हो ।
६ प्रतिशत बोनस सेयर दिएपछि जनताको चुँक्तापूँजी ८ अर्ब ४८ करोड रुपैयाँ पुग्ने छ । जनता ग्लोबल आइएमइसँग मर्ज हुन लागेको छ ।
एनआईसी एसियाले २१ प्रतिशतले हुन आउने १ अर्ब ८५ करोड ९८ लाख ३७ हजार ६२१ रुपैयाँ लाभांश वितरण गर्नेछ । साधारण सभाले १० प्रतिशतका दरले हुन आउने ८८ करोड ३४ लाख २२ हजार रुपैयाँको बोनस सेयर र ११ प्रतिशत हुन आउने ९७ करोड ६४ लाख १४ हजार रुपैयाँ नगद लाभांश वितरण गर्ने प्रस्ताव पारित गरेको हो । बैङ्कको पूँजी वृद्धिको प्रस्ताव पारित गरेको छ । यसबाट बैंकको चुक्ता पूँजी ९ अर्ब ७१ करोड ७६ लाख रुपैयाँ पुगेको छ ।
यस्तै सिटिजन्सको गत आर्थिक वर्ष २०७५/०७६ को वितरण योग्य नाफाबाट १२ प्रतिशतले हुन आउने १ अर्ब ४५ लाख २७ हजार रुपैयाँ नगद लाभांश दिने प्रस्तावलाई पारित गरेको छ ।
सभाले सेयरधनीलाई ३ प्रतिशतले हुने २५ करोड ११ लाख ३१ हजार रकम बराबरको बोनस शेयर दिने प्रस्ताव पनि पारित गरेको छ ।
सनराइजले १५.८ प्रतिशत लाभांश दिने प्रस्ताव गरेको छ । सनराइजले लगानीकर्तालाई १० प्रतिशत बोनस र ५.८ प्रतिशत नगद लाभांश दिने प्रस्ताव गरेको हो । बैङकले ८१ करोड ५२ लाख रुपैयाँ बोनस सेयर दिने प्रस्ताव गरेको छ । ४७ करोड २८ लाख रुपैयाँ नगद लाभांश दिने भएको छ ।
त्यस्तै,मेगाले सेयरधनीलाई ११.७५ प्रतिशत नगद लाभांश दिने प्रस्ताव गरेको छ । मेगाको गत बुधबार बसेको सञ्चालक समिति बैठकले गत आर्थिक वर्षमा गरेको नाफाबाट सेयरधनीलाई १ अर्ब २२ करोड ६ लाख ६३ हजार रुपैयाँ नगद लाभांश वितरणको प्रस्ताव गरेको हो ।
मेगाको चुक्तापुँजी १० अर्ब ३८ करोड ८६ लाख रुपैयाँ छ । मेगाले पुँजीगत आधार मजवुत बनाउन गण्डकी विकास बैङ्कलाई मर्जरका लागि समझदारीपत्र (एमओयू) गरेको छ ।
त्यसैगरी,सानिमाले लगानीकर्ताहरुलाई १० प्रतिशत बोनस सेयर र ११ प्रतिशत नगद गरी २१ प्रतिशत लाभांश प्रस्ताव गरेको छ । सानिमाले लाभांश पारित गर्न असोज २९ मा साधारणसभा बोलाएको छ । बोनस वितरणपछि सानिमाको चुक्तापूँजी ८ अर्ब ८० करोड रुपैयाँ पुग्ने छ ।
बैङ्क अफ काठमाडुले १७ प्रतिशत नगद लाभांश दिने प्रस्ताव गरेको छ । माछापुच्छ्रेले ५ प्रतिशत बोनस र ११ प्रतिशत नगद लाभांश गरी कुल १६ प्रतिशत लाभांश प्रस्ताव गरेको छ ।
गत वर्षसम्म बोनस सेयर मात्र वितरण गर्दै आएका वाणिज्य बैङ्कहरुले यो वर्षदेखि सेयरधनीलाई नगद लाभांश पनि दिन थालेका छन । आर्थिक वर्ष सुरु भएको ६ महिनाभित्र गत वर्षको वार्षिक साधारणसभा सम्पन्न गर्नुपर्ने कानूनी प्रावधान छ ।
२०७६ असोज १२ गते प्रकाशित
वि.सं.२०७६ असोज १२ आइतवार १०:१३ मा प्रकाशित