२०७६ असोज २६ गते प्रकाशित
काठमाडौं । चिनियाँ राष्ट्रपति सी चिनफिङको नेपालको आर्थिक विकासमा चीन सरकार साझेदार बन्ने बताउनुभएको छ । नेपालको दुईदिने राजकीय भ्रमणका लागि शनिबार काठमाडौं आउनुभएका सीले साँझ होटल सोल्टीमा आयोजित रात्रिभोजलाई सम्बोधन गर्दै सो कुरा बताउनुभएको हो ।
रात्रिभोजलाई सम्बोधन गर्दै सीले हिमालय सीमापार रेलमार्गको सम्भाव्यता अध्ययन गर्ने, रसुवागढी छहरदेखि काठमाडौंसम्म सुरुङ मार्ग निमार्ण गर्ने र अरनिको राजमार्गको स्तरोन्नतिमा सहयोग गर्ने प्रतिबद्धता व्यक्त गर्नुभयो ।
सीको घोषणा
-हिमालय सीमापार रेलमार्गको सम्भाव्यता अध्ययन गर्ने
-रसुवागढी छहरेदेखि काठमाडौंसम्म सुरुङ मार्ग निमार्ण गर्ने
-अरनिको राजमार्गको स्तरोन्नति गर्ने
-भूकम्पपछिको पुनर्निर्माण परियोजनालाई दु्त गतिमा सक्ने
-नेपाल भ्रमण वर्ष २०२० मा बढीभन्दा बढी चिनियाँ पर्यटकलाई नेपाल आउन उत्प्रेरित गर्ने
-जलवायुबारे नेपालको चासोको समर्थन गर्ने र हिमालय क्षेत्रको रक्षामा सहयोग गर्ने
वि.सं.२०७६ असोज २६ आइतवार ०७:५२ मा प्रकाशित
