काठमाडौं । जनरल इन्सुरेन्स कम्पनीको ३० करोड रुपैयाँको ३० लाख कित्ता आइपीओ आउने भएको छ । आइपीओ बेच्न कम्पनीले एनआइबीएल एस क्यापिटललाई बिक्री प्रबन्धक समेत नियुक्त समेत गरिसकेको छ ।
जनरल इन्सुरेन्सले प्रति सेयर १०० रुपैयाँ दरको ३० करोड रुपैयाँको आइपीओ सर्वसाधारणमा जारी गर्न लागेको हो । कम्पनीको अधिकृत पुँजी २ अर्ब रुपैयाँ, जारी पुँजी १ अर्ब र चुक्ता पुँजी ७० करोड रुपैयाँ रहेको छ ।
यस इन्सुरेन्सले जारी पुँजीको कम्तिमा पनि ३०% सेयर सर्वसाधारणका लागि निष्कासन गर्नुपर्ने हुन्छ । आइपीओपछि चक्ता पुँजी १ अर्ब रुपैयाँ पुग्नेछ ।
बिमा समितिको निर्देशन बमोजिम कम्पनीले आइपीओ ल्याउन लागेको हो । निर्जीवन बिमा कम्पनीहरुको न्यूनतम चुक्ता पुँजी १ अर्ब रुपैयाँ हुनुपर्ने प्रावधान छ ।
यस इन्सुरेन्सले आइपीओ जारी गर्ने पस्ताव साधारण सभाबाट पारित गरिसकेको छ । अब धितोपत्र बोर्डमा आवेदन दिनुपर्ने हुन्छ ।
बोर्डबाट अनुमति पाएपछि निष्कासन गर्ने प्रक्रिया सुरु हुनेछ । जनरल इन्सुरेन्स नयाँ स्थापना भएको कम्पनी हो । कम्पनीको केन्द्रीय कार्यालय काठमाण्डौ महानगरपालिका वडा नं.१ हात्तीसार, काठमाण्डौंमा रहेको छ ।
यस्तै, कम्पनीको ३७ वटा शाखा कार्यालय र १० तेश्रो पक्ष बिमा काउन्टर मार्फत् बिमा सेवा प्रदान गर्दै आएको छ ।
२०७६ असोज २७ गते प्रकाशित
वि.सं.२०७६ असोज २७ सोमवार १४:५० मा प्रकाशित
