काठमाडौं । गैरआवासीय नेपाली संघ (एनआरएनए) का नवनिर्वाचित अध्यक्ष कुमार पन्तले संस्थाको निर्वाचन अब नेपालमा नगर्ने बताउनुभएको छ ।
नवौँ सम्मेलन तथा निर्वाचन कार्यक्रमका क्रममा एनआरएनएका सदस्यको अभद्र व्यवहा र भद्रगोल गतिविधिको तीव्र आलोचना भएपछि पन्तले यस्तो बताउनुभएको हो ।
कोठा/कोठमा आएर राजनीति गर्ने प्रयास गरिएपछि नेपालमा अबदेखि निर्वाचन कार्यक्रम नगर्ने अवस्थामा पुगेको उहाँको भनाई थियो।
‘संस्थामा अनावश्यक राजनीतिकरण गर्न खोजियो । सम्मेलनका बेला होटलका कोठा/कोठामा नेताहरू ल्याएर छलफल भए,’ विजयी पछि पत्रकारलाई प्रतिक्रिया दिँदै पन्तले भन्नुभयो, ‘अबदेखि काठमाडौंमा निर्वाचन कार्यक्रम गर्दैनौं । बरु अनलाइन भोटिङ गर्छौं।
प्रतिनिधिले मात्रै नभइ साधारण सदस्यले नै भोट गर्न पाउने व्यवस्था गर्छौं।’ उहाँले श्रमिक कल्याणकारी कोषको रकम वृद्धि गरिने पनि जानकारी दिनुभउको छ ।
दक्ष कामदार उत्पादनका लागि सरकारलाई सहयोग गर्ने पनि उहाँले बताउनुभयो । काठमाडौंमा भएको नवौं सम्मेलनबाट अर्का प्रत्यासी कूल आचार्यलाई १४७ मतले पराजित गर्दै २ वर्षे कार्यकालका लागि पन्त विजयी हुनुभएको हो ।
२०७६ कात्तिक ०१ गते प्रकाशित
वि.सं.२०७६ कात्तिक १ शुक्रवार १४:५४ मा प्रकाशित