काठमाडौं । नेपाली सेनामा भर्ती गराइदिने भन्दै रकम असुल्ने एक जना पक्राउ परेका छन । पक्राउ पर्नेमा चिचिला गाउँपालिका वडा नम्बर १ का राजु भनिने राजकुमार राई रहेको प्रहरी निरीक्षक सन्तोषकुमार राइले जानकारी दिनुभयो ।
राईले बराहदल गुल्म खाँदबारी ब्यारेक संखुवासभामा आवेदन फारम भरेका दर्ता नम्बर ७२६८ का सैन्य पदका उम्मेदवारसँग सेनामा भर्ती गराइदिने आश्वासन दिएर रकम असुलेको प्रहरीले जनाएको छ ।
उनले सैन्य उम्मेदवारका आमासँग एक लाख २० हजार रुपैयाँ मागेका थिए । पछि ८० हजारमा सहमति भएको थियो । सहमतिपछि आमाले अग्रीम ५० हजार रुपैयाँ बुझाएकी थिइन । राजधानी दैनिकमा समाचार छ ।
२०७६ कात्तिक ०६ गते प्रकाशित
वि.सं.२०७६ कात्तिक ६ बुधवार ०८:३० मा प्रकाशित