काठमाडौं । ग्राण्डी अन्तराष्ट्रिय अस्पतालले प्रधानमन्त्री केपी शर्मा ओलीको स्वास्थ्य अवस्था सामान्य रहेको जनाएको छ ।
बुधबार भर्ना भएका ओलीको बिहीबारसम्म उपचार गरिएको जनाउँदै अब डिस्चार्ज गरिने अस्पतालका मेडिकल डाइरेक्टर डा. चक्रराज पाण्डेले जानकारी दिएका छन ।
बिहीबार अपरान्ह अस्पताल परिसरमा आयोजित पत्रकार सम्मेलनमा बोल्दै निर्देशक पाण्डेले प्रमको स्वास्थ्यस्थिति सामान्य रहेको जानकारी गराउनुभएको हो ।
’उहाँले दुई दिनदेखि यस अस्पतालमा उपचार गराउनु भएको छ’, उहाँले भन्नुभयो, ’स्वास्थ्य परीक्षण र उपाचारका क्रममा हेमो डायलोसिस गरिएको छ ।’
पाण्डेका अनुसार यो प्रक्रिया शरीरमा जम्मा भएको क्रियाटिनिन ’क्लियर’ गर्ने ’सिस्टम’ हो । ग्राण्डीको तर्फबाट डा. पाण्डे र डा. दिव्या सिंह शाहले निकालेको विज्ञप्तिमा प्रमलाई आजै डिस्चार्ज गरिने जनाइएको छ ।
२०७६ कात्तिक १४ गते प्रकाशित
वि.सं.२०७६ कात्तिक १४ बिहीवार १७:२७ मा प्रकाशित
