काठमाडौं । त्रिभुवन विश्वविद्यालयको उपकुलपतिमा प्राध्यापक डा. धर्मकान्त बाँस्कोटा नियुक्त भएका छन ।उनलाई प्रधानमन्त्री तथा विश्वविद्यालयका कुलपति केपी ओलीले आइतबार उपकुलपति नियुक्त गरेका हुन ।
त्रिवि गत भदौ पहिलो सातादेखि उपकुलपति रिक्त थियो । उपकुलपति सिफारिस गर्न गठन गरिएको सर्च कमिटीले बाँस्कोटासहित तीन जनाको नाम प्रधानमन्त्रीलाई सिफारिस गरेको थियो । बाँस्कोटा नेपाल मेडिकल काउन्सिलका पूर्वअध्यक्ष हुन ।
प्रधानमन्त्री कार्यालयका अनुसार बाँस्कोटाले भ्याएमा आजै र आज नभ्याएमा सोमबार जिम्मेवारी निर्वाह गर्नेछन ।उपकुलपतिको कार्यकाल चार वर्षको हुनेछ । प्रा.डा. बाँस्कोटा नाक, कान, घाँटी विशेषज्ञ हुन ।
२०७६ कात्तिक १७ गते प्रकाशित
वि.सं.२०७६ कात्तिक १७ आइतवार १६:१७ मा प्रकाशित