काठमाडौं । साताको अन्तिम दिन पनि सेयर बजार बढ्न सकेन । आज सेयर कारोबार मापन गर्ने नेपाल स्टक एक्सचेन्ज (नेप्से) परिसुचकमा ६ अंकको गिरावट आएको छ ।
आज नेप्से ६.०५ अंकले घटेर एक हजार एक सय ३१.९७ अंकमा पुगेको हो । नेप्से घटेको दिन सेन्सिटिभ इन्डेक्स्ट पनि १.४० अंकले घटेर २४८.३१ अंकमा पुगेको छ ।
बिहिबार बजारमा १६३ कम्पनीका १२ लाख ९६ हजार ८७७ कित्ता सेयर ३७ करोड ४१ लाख ५० हजार ५७१ रुपैयाँमा कारोबार भएको हो ।
यस दिन बजारमा आएका ११ वटा समूहगत उपसुचकमध्ये तीन समूह उकालो लागे भने आठ समूह ओरालो लागेका हुन ।
बिहीबार बजारमा एनएमबी बैंकको सेयरको कारोबार सबैभन्दा धेरै भयो । कम्पनीको सेयर ११ करोड २६ लाख ४३ हजार २७३ रुपैयाँका कारोबार भएको हो ।
नेप्से घटेको दिन साल्ट ट्रेडिङका लगानीकर्ताले सर्वाधिक ९.९६ प्रतिशत सेयर मूल्य कमाए । त्यसैगरी, रिदी हाइड्रोपावरका लगानीकर्ताले सर्वाधिक ५.१९ प्रतिशत सेयर मूल्य गुमाए ।
२०७६ कात्तिक २१ गते प्रकाशित
वि.सं.२०७६ कात्तिक २१ बिहीवार १६:१० मा प्रकाशित
