काठमाडौ । कर र भन्सार कार्यालयका ६० जना उपसचिवको सरुवा गरिएको छ । अर्थ मन्त्रालयले राजस्व प्रशासनका कर्मचारीहरुलाई कर र भन्सार कार्यालयमा सरुवा गरेको छ ।
लामो समयदेखि मन्त्रालय र केन्द्रीय विभागमा बसेका उपसचिवहरुलाई कर र भन्सार कार्यालयको नेतृत्व दिएको छ । अनुभवी र दक्ष उपसचिवहरुले भन्सार र कर कार्यालय समाल्ने भएका छन ।
कर र भन्सार कार्यालयमा २ वर्ष बिताएका उपसचिवहरुलाई विभाग तथा मन्त्रालयमा सरुवा गरिएको छ भने मन्त्रालयमा र विभागमा लामो समय काम गरेका उपसचिवलाई भन्सार र कर कार्यालयको जिम्मेवारी दिइएको अर्थमन्त्रालय स्रोतले बताएको छ ।
कुनै विवाद नहुँनेगरी दक्ष र अनुभवी कर्मचारीलाई मन्त्रालय, बिभाग, कर र भन्सार कार्यालयको जिम्मेवारी दिइएको छ, अर्थमन्त्रालय स्रोतले भन्यो कुनै ब्यक्ति, दल वा नेताको प्रभावमा कर्मचारी खटाईको छैन ।
स्वतन्त्ररुपमा कर्मचारीहरु खटाइएका छन् । विभागीय मन्त्रीले समेत कुनै कर्मचारीको सरुवामा कुनै प्रभाव पारेका छैनन् ।
अति ब्यस्त र बढी कर संकलन हुने काठमाडौंभित्रका कलंकी, कालिमाटी, बत्तिसपुतली, महाराजगन्ज र चावहिलका कर कार्यालय प्रमुखको सरुवा भएको छ। ललितपुर कर कार्यालयका प्रमुखको विभागमा सरुवा भएको छ ।
आन्तरिक राजस्व कार्यालय पोखराका प्रमुख पनि विभागमा तानिएका छन्। आन्तरिक राजस्वतर्फ भद्रपुर, धरान, धनगढी, कन्चनपुर लगायतका कार्यालय प्रमुखको सरुवा भएको छ ।
भन्सारतर्फ विराटनगर र मेची भन्सार कार्यालयका प्रमुखको सरुव भएको छ भने, त्रिभुवन अन्तर्रा्ष्ट्रिय विमानस्थल भन्सार कार्यालयका २ उपसचिवको पनि सरुवा भएको छ ।
को कहाँ ?
वि.सं.२०७६ कात्तिक २३ शनिवार ०७:३५ मा प्रकाशित