काठमाडौं । बैंकहरुले चालु आर्थिक वर्षको पहिलो त्रैमासको वित्तिय विवरण सार्वजनिक गर्न थालेका छन । २८ वटा वाणिज्य बैंक मध्ये ८ वटा बैंकले चालु आर्थिक वर्ष २०७६/०७७ को पहिलो त्रैमासको वित्तिय विवरण सार्वजनिक गरेका छन ।
सार्वजनिक वित्तिय विवरण अनुसार ५ वटा बैंकको नाफा सन्तोषजनक देखिन्छ भने ३ वटा बैंको नाफा घेटेको देखिन्छ । चालु आर्थिक वर्ष २०७६/०७७ को पहिलो त्रैमासमा ८ वटा वाणिज्य बैंकले ४ अर्ब २४ करोड ८९ लाख ३१ हजार रुपैयाँ नाफा कमाएका छन् । जुन गत आवको यसै अवधिको तुलनामा १.७८ प्रतिशतले बढी हो ।
गत आवको पहिलो त्रैमासमा यी बैंकहरुको नाफा ४ अर्ब १७ करोड ४३ लाख ७२ हजार रुपैयाँ नाफा कमाएका थिए । गत आवको भन्दा चालु आवको पहिलो त्रैमासमा बैंकहरुको नाफामा अपेक्षाकृत सुधार भने देखिएको छैन ।
पहिलो त्रैमासको रिपोर्ट अनुसार नेपाल बैंकको नाफा ३६.३३ प्रतिशतले घटेको छ भने सिटिजन्स बैंकको १८.५७ प्रतिशत र सिद्दार्थ बैंकको नाफा ०.६९ प्रतिशतले गिरावट आएको छ ।
वित्तीय विवरण सार्वजनिक गरेको बैंकहरुमा सबैभन्दा बढी नाफा आर्जन बैंंकमा ग्लोबल आइएमई बैंक रहेको छ । ग्लोबलले ४०.५५ प्रतिशत नाफा बढाएको छ ।
अहिलेसम्म रिपोर्ट अनुसार दोस्रो स्थानमा सनराइज बैंक रहेको छ । सनराइज बैंकको नाफा गत आवको पहिलो त्रैमासको तुलनामा ३७.०६ प्रतिशतले नाफा बढाएको छ । यस्तै सानिमा १४.४०, जनता बैंकको नाफा १३.९६, प्रभु बैंकको ५.०१ प्रतिशतले नाफामा सुधार देखिएको छ ।
हेर्नुहोस सुचि
२०७६ कात्तिक २६ गते प्रकाशित
वि.सं.२०७६ कात्तिक २६ मंगलवार ०९:३७ मा प्रकाशित
