धादिङ । धादिङको वेनिघाट रोराङ गाउँ पालिका ३ मलेखुमा मोटरसाइकल दुर्घटना हुँदा एक जनाको मृत्यु भएको छ ।
शुक्रबार बिहान पृथ्वी लोकमार्गमा मलेखुबाट बेनिघाटतर्फ जादै गरेको बा ९३ प १७९३ नं. को २२० पल्सर मोटर साइकल र बिपरित दिशाबाट आउँदै गरेको लु ४४ प १४९९ नं. को बुलेट मोटर साइकल एक आपसमा ठक्कर खाँदा एक जनाको राजमार्ग सामुदायिक अस्पताल मलेखुमा उपचारको क्रममा मृत्यु भएको हो ।
मृत्यु हुनेमा बा ९३ प १७९३ नं. को मोटर साइकल चालक बेनिघाट रोराङ गाउँ पालिका वडा नं. ३ बस्ने वर्ष २५ का अशोक मगर रहेका छन् । अन्य ३ घाइतेहरुको थप उपचारको लागी ट्रमा सेन्टर काठमाण्डौ रिफर गरिएको छ ।
घाइतेहरुमा शिद्धालेक गाउँ पालिका वडा नं. ६ का वर्ष २१ क सन्तोष श्रेष्ठ, रुपन्देही बुटवलका वर्ष ३९ का प्रदिप काफ्ले र सोही ठाउँका वर्ष २९ का अमिर न्यौपाने रहेका जिल्ला प्रहरी कार्यालय धादिङका प्रवक्ता रुपक खड्काले जानकारी दिनुभयो ।
२०७६ कात्तिक २९ गते प्रकाशित
वि.सं.२०७६ कात्तिक २९ शुक्रवार १६:३२ मा प्रकाशित
