काठमाडौं। ग्लोबल आइएमई बैंकका निर्वतमान प्रमुख कार्यकारी अधिकृत जनक शर्मा पौडेल र का.मु प्रमुख कार्यकारी अधिकृत महेश शर्मा ढकालले गत वर्ष तीन करोड ७८ लाख रुपैयाँ तलब भत्ता तथा अन्य सुविधा लिएका छन ।
गत आर्थिक बर्षको माघ ८ गतेसम्म पौडेल प्रमुख कार्यकारी अधिकृत थिए । अधिकांस सुविधा भने शर्माले लिएका हुन् । त्यसपछि कामु प्रमुख कार्यकारीका रुपमा महेश ढकालले नेतृत्व लिएका थिए । कुल रकमको केही हिस्सा मात्रै ढकालको भागमा परेको छ ।
बैंकले दुबै जनाले बुझेको पारिश्रमिकलाई एकै ठाउँमा राखेको छ। शर्माले अवकासपछिको पैसासमेत लगेका कारण तलव भत्ता धेरै देखिएको छ ।
तलव मात्रै ७८ लाख रुपैयाँ तलब बुझेको देखिन्छ। तलब सुविधा बाहेक कार्यसम्पादनमा आधारित कर्मचारी बोनस बापत ४३ लाख ९० हजार रुपैयाँ बुझेका छन ।
प्रमुख कार्यकारीको भन्दा कायममुकाय प्रमुखको तलब कम हुने हुँदा बैंकले ढकाललाई प्रदान गरेको तलब सुविधा कम छ । त्यसैगरी सञ्चालकहरुले गत वर्ष १० लाख २२ हजार रुपैयाँ बैठक भत्ता लिएका छन् ।
संचालक समितिको उपसमितिका सदश्यहरुले ७ लाख १० हजार रुपैयाँ बुझेका हुन । सञ्चालक समितिको बैठक बस्दा भत्ता सहित भने जम्मा १९ लाख २५ हजार रुपैयाँ खर्च भएको बैंकले जनाएको छ ।
कम्पनी सचिवले पनि गत वर्ष १२ लाख ९० हजार रुपैयाँ बुझेका छन् । गत वर्षमा कर्मचारीहरुको लागि कुल एक अर्ब ५७ करोड रुपैयाँ खर्च भएको छ । यसमा कर्मचारीहरुले प्राप्त गरेको ३९ करोड ३३ लाख रुपैयाँ बोनसलाई पनि जोडिएको छ ।
२०७६ मंसिर ०२ गते प्रकाशित
वि.सं.२०७६ मंसिर २ सोमवार १९:३८ मा प्रकाशित
