काठमाडौं । गैरआवासीय नेपाली संघले अन्तर्रा्ष्ट्रिय समन्वय परिषद्का अध्यक्ष, संस्थापक अध्यक्ष, प्रमुख संरक्षक, सचिवालयका पदाधिकारीहरु, सल्लाहकारहरु, राष्ट्रिय समन्वय परिषद्का अध्यक्षहरु तथा पूर्व पदाधिकारीहरु समेटेर नयाँ मर्यादाक्रम तोकेको छ ।
पुरानो मर्यादाक्रम खारेज गर्दै संघले नयाँ मर्यादाक्रम निर्धारण गरेको हो । संघका महासचिव डा. हेमराज शर्माका अनुसार मर्यादाक्रममा अन्तर्रा्ष्ट्रिय समन्वय परिषद्का अध्यक्षदेखि पन्जिकृत सदस्यहरु सम्म समेटिएको छ ।
तर मर्यादाक्रममा जे लेखिए पनि राष्ट्रिय समन्वय परिषद्का कार्यक्रमहरुमा सभापतित्व गर्ने, त्यस देशका अन्य संस्थामा प्रतिनिधित्व गर्ने जस्ता स्थानीय प्रकृतिका कार्यक्रममा राष्ट्रिय समन्वय परिषद् अध्यक्षले नेतृत्व गर्ने डा. शर्माले जनाए ।
नयाँ मर्यादाक्रम अनुसार अन्तर्रा्ष्ट्रिय समन्वय परिषद (आईसिसि) का अध्यक्ष सबै भन्दा अघि रहेका छन् । यसैगरी क्रमशः आईसिसि संस्थापक अध्यक्ष, प्रमुख संरक्षक, संरक्षकहरु, पूर्व अध्यक्षहरु, कार्यकारी सचिवालयका पदाधिकारीहरु र अन्तर्रा्ष्ट्रिय समन्वय परिषद्ले गठन गरेका उच्चस्तरीय समितिका सदस्यहरु जस्तै– अन्तर्रा्ष्ट्रिय रुपमा ख्याति प्राप्त विशेषज्ञहरुको समितिहरु रहेका छन् ।
यसपछि आईसिसि सम्वद्व र मानार्थ सदस्यहरु, परिषद्का सल्लाहकारहरु, परिषद्का पूर्व संरक्षकहरु, परिषद्का कार्यालय पदाधिकारीहरु (कार्यकारी सचिवालय पदाधिकारीहरु) बाहेकका रहेका छन् ।
२०७६ मंसिर ०४ गते प्रकाशित
वि.सं.२०७६ मंसिर ४ बुधवार १०:३५ मा प्रकाशित
