काठमाडौं । शिक्षक दरबन्दी मिलान सकेर बाँकी रहेका पदमा समेत नयाँ शिक्षकको छनौट गरेको छ । खोटाङ्को दिप्रुङ चुइचुम्मा गाउँपालिका भित्रका ४८ वटा विद्यालयका लागि आवश्यक शिक्षकको दरबन्दी मिलान सके पछि बाँकी रहेका पदमा गाउँपालिकाको अनुदान कोटाबाट श्रोत उपलब्ध गराउने गरी पदपूर्ति गरिएको हो ।
पालिका भित्र रहेका २ सय ५४ शिक्षकको दरबन्दी मिलान सकेर अपुग १० जना शिक्षक छनोट गरिएको हो । गत आईतबार पदपूर्ति गरिएका उक्त अनुदान कोटाको शिक्षक मध्ये माविमा एक जना र आधारभूत तहमा ९ जना शिक्षक चयन गरिएको पालिकाले जनाएको छ ।
उनीहरुका लागि आवश्यक तलब भत्ता दिन गाउँ सभा बैठकबाटै ५० लाख रुपैंया विनियोजन गरि सकिएको थियो । छनौट अघि लिखित र प्रयोगात्मक परीक्षाको आवश्यक प्रकृया पुरा गरी गोला प्रथाबाट छानिएका रोष्टर शिक्षक मार्फत छनौट गरिएको पालिकाका प्रमुख प्रशासकीय अधिकृत भिम प्रसाद दाहालले जानकारी दिए ।
वि.सं.२०७६ मंसिर ५ बिहीवार १४:०५ मा प्रकाशित
