काठमाडौं । एभरेष्ट बैंकले रू.१ अर्ब बराबरको ऋणपत्र विक्री गर्न नेपाल धितोपत्र बोर्ड (सेवोन) सँग अनुमति मागेको छ ।
बैंकले सर्वसाधारणलाई सार्वजनिक निष्कासन मार्फत ४ लाख कित्ता र व्यक्तिगत तवरबाट विभिन्न संघसंस्थाहरुलाई ६ लाख कित्ता विक्री गर्न बोर्डसँग अनुमति मागेको हो ।
पुस १४ गते बोर्डमा निवेदन पेश गरेको यो ऋणपत्र विक्री प्रबन्धकमा एनआईबीएल एस क्यापिटल लिमिटेड रहेको छ । सात वर्षे अवधिको यो ऋणपत्र विसं २०८३ मा परिपक्व हुनेछ । ऋणपत्र खरीदकर्ताहरुले वार्षिक १० दशमलव २५ प्रतिशत ब्याजदर पाउनेछन् ।
वाणिज्य बैंकहरुले आफ्नो चुक्तापूँजीको २५ प्रतिशत ऋणपत्र अनिवार्य निष्कासन गर्नुपर्ने व्यवस्था बमोजिम एभरेष्टले ऋणपत्र जारी गर्न लागेको हो । बैंकको चुक्तापूँजी रू. ८ अर्ब १० करोड ६८ लाख ६३ हजार छ ।
२०७६ पुस २३ गते प्रकाशित
वि.सं.२०७६ पुस २३ बुधवार १४:५० मा प्रकाशित