काठमाडौं । स्वावलम्बन लघुवित्त वित्तीय संस्थाले सेयरधनीलाई १४ प्रतिशत नगद लाभांश बैंक खातामा पठाएको छ ।
कम्पनीले मंसिर ३० गतेसम्म डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो ।
सो मितिपछि बैंक खाता अद्यावधिक गर्नेहरुको हकमा पनि नगद जम्मा गर्ने तयारी भइरहेको रहेको कम्पनीको भनाई छ ।
यता, स्वावलम्बनले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ । अपडेट गरेपछि लाभांश पाइनेछ ।
कम्पनीको पुस २० गते सम्पन्न साधारण सभाले आर्थिक वर्ष २०७५/७६को नाफाबाट २६ प्रतिशत बोनस सेयर र १४ प्रतिशत नगद लाभांश वितरण गर्ने प्रस्ताव पारित गरेको थियो ।
२०७६ पुस २४ गते प्रकाशित
वि.सं.२०७६ पुस २४ बिहीवार १०:१३ मा प्रकाशित
