काठमाडौं । आइतवार नेप्से कारोबार भएको दोस्रो घण्टामा २४ दशमलव ४४ अंकले बढेर १ हजार ३३४ दशमलव ६७ विन्दुमा पुगेको छ ।
१ हजार ३१० दशमलव २७ विन्दुबाट शुरु भएको परिसूचक कारोबारकोे यस अवधिमा १ दशमलव ८७ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये व्यापार समूहको परिसूचक बाहेक बाँकी सबै समूहको परिसूचक बढ्दा समग्र नेप्से बढेको हो । दोस्रो घण्टाको कारोबारमा १७४ ओटा कम्पनीको रू. १ अर्ब बराबरको शेयर कारोबार भएको छ ।
यस अवधिमा हिमालयन डिष्टिलरीको सर्वा्धिक कारोबार भएको छ । उक्त कम्पनीको रू. ७ करोड ८८ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार २९७ मा कारोबार भइरहेको छ ।
कारोबार रकमकै आधारमा दोस्रोमा शिवम् सिमेन्टको रू. ५ करोड ४४ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५४६ रहेको छ ।
२०७६ माघ ०५ गते प्रकाशित
वि.सं.२०७६ माघ ५ आइतवार १३:०० मा प्रकाशित
