काठमाडौं । साताको दोस्रो दिन आज (सोमबार)पुँजी बजार मापक नेप्से २६.५४ अंकले घटेको छ । हिजो नेप्से ३३.४३ अंकले बढेको थियो ।
नेप्से घटेर १३१७.११ अंकमा आइपुगेको छ । आज जीवन बिमा कम्पनी समूहको सूचक सबैभन्दा बढी १५४.६५ अंकले घटन पुग्यो। साथै, निर्जीवन बिमा कम्पनी समूहको सूचक पनि ११६.३१ अंकले ओरालो लाग्यो। यसैगरी, होटल समूहको सूचक पनि ६४.०९ अंकले घटन पुग्यो।उक्त दिन सबै १२ समूहको सूचक घटेको छ।
आज हिजोको तुलनामा कम रकम अर्थात् १ अर्ब ९७ करोड ३ लाख ८७ हजार रुपैयाँको सेयर कारोबार हुन पुग्यो। हिजो २ अर्ब ९ करोड ८ लाख ७७ हजार रुपैयाँ बराबरको सेयर कारोबार भएको थियो ।
उक्त दिन हिमालयन डिस्टिलरीकोे सेयर सबैभन्दा बढी २० करोड ९२ लाख रुपैयाँ बराबरको सेयर कारोबार भएको छ । दोस्रो बढी रकमको कारोबार एनसिसी बैंकको सेयर भएको छ। उक्त बैंकको १३ करोड ३२ लाख रुपैयाँ बराबरको सेयर कारोबार भएको छ ।
तेस्रो बढी कारोबार हुनेमा नेपाल लाइफ इन्स्योरेन्सको सेयर रहेको छ । उक्त इन्स्योरेन्सको ९ करोड ३० लाख रुपैयाँ बराबरको सेयर कारोबार भएको छ ।
२०७६ माघ ०६ गते प्रकाशित
वि.सं.२०७६ माघ ६ सोमवार १५:२२ मा प्रकाशित
