हेटौंडा । बागमती प्रदेश सरकारले प्रदेश स्थापना दिवस मनाउने भएको छ । मंगलबार साँझ बसेको बागमती प्रदेश मन्त्रिपरिषद बैठकले माघ २९ गते दोस्रो प्रदेश स्थापना दिवस मनाउने निर्णय गरेको हो ।
स्थापना दिवस भव्य रुपले मनाउन प्रदेशको आन्तरिक मामिला तथा कानुन मन्त्री शालीकराम जम्कट्टेलको संयोजकत्वमा समिति गठनसमेत गरिएको छ ।
गठित समितिका सदस्यमा प्रदेशका सबै मन्त्री, प्रदेश निति तथा योजना आयोगका सदस्य, प्रदेशका मुख्यन्यायधिवक्तालगायत रहेका छन् ।
मुख्यमन्त्री डोरमणि पौडेलको अध्यक्षतामा भएको बैठकले अन्तरप्रदेशका बासिन्दाको सुरक्षा, समान व्यवहार सम्बन्धमा बनेको विधेयक प्रदेश सभामा पेश गर्न स्वीकृत दिने निर्णय गरेको छ ।
बैठकले प्रदेश युवा परिषद गठनका सम्बन्धमा प्रदेश सभामा पेश गने निर्णय गरेको छ । ग्रामिण सडक पुर्वाधार सम्बन्धी विधेयक प्रदेश सभामा पेश गर्ने लगायतका निर्णय भएको प्रदेश सरकारले जनाएको छ ।
२०७६ माघ १५ गते प्रकाशित
वि.सं.२०७६ माघ १५ बुधवार १२:३१ मा प्रकाशित
