काठमाडौं । सोल्टी होटेलले गत पुस २४ गते पारित गरेको नगद लाभांश माघ २३ गते बिहीवारदेखि वितरण गर्ने भएको छ।
होटेलले मंगलवार सूचना जारी गरी पारित ११ दशमलव ३२ प्रतिशत नगद लाभांश वितरण गर्ने जानकारी दिएको हो । यो लाभांश मंसिर २४ गतेसम्म हितग्राही खातामा बैंक खाता अद्यावधिक गरेका शेयरधनीहरुको हकमा बैंक खातामानै पठाउने व्यवस्था गरिएको छ ।
शेयर डिम्याट गरेर पनि आफ्नो बैंक खाता अद्यावधिक नगरेका शेयरधनीहरुलाई यथाशिघ्र खाता अद्यावधिक गर्न समेत होटेलले आग्रह गरेको छ ।
शेयर धितो बन्धकमा राखेका शेयरधनीहरुले भने सम्बन्धित बैंक तथा वित्तीय संस्थाबाट नगद लाभांश भुक्तानी लिनका लागि सैद्धान्तिक सहमती पत्र पेश गर्नु पर्नेछ ।
भौतिक रुपमा शेयर धारण गर्नेहरुका लागि भने माघ २३ गतेदेखिनै बिदाका दिन बाहेक दिउँसो २ बजेदेखि ५ बजेसम्म कम्पनीको रजिष्ट्रर्ड कार्यालय, ताहाचल, काठमाडौंबाट वितरण गरिनेछ ।
वि.सं.२०७६ माघ २१ मंगलवार ११:४४ मा प्रकाशित