काठमाडौं । सिभिल बैंक लिमिटेडको भीमसेनस्थान शाखा संचालनमा आएको छ । नेपाल राष्ट्र बैंकका डेपुटी गभर्नर चिन्तामणि शिवाकोटीले शुक्रबार एक कार्यक्रमकाबीच शाखाको उद्धघाटन गर्नुभयो ।
सोही अवसरमा अतिथि काठमाडौं महानगरपालिका वडा नं २० का अध्यक्ष राजेन्द्र मानन्धरले आफ्नो वडामा पहिलो शाखा खोलिएकोमा सिभिल बैंकलाई बधाई दिदैं बैंकलाई आफ्नो तर्फबाट आवश्यक सहयोग गर्ने उहाँको भनाई थियो ।
सिभिल बैंकका प्रमुख कार्यकारी अधिकृत गोविन्द गुरुङले बैंक भीमसेनस्थान शाखाले त्यस क्षेत्रका सम्पूर्णलाई उच्चस्तरीय बैकिंङ सेवा दिने प्रतिवद्धता जनाउनुभयो ।
भीमसेनस्थान क्षेत्रमा नेवारी बाहुल्यता भएबमोजिम शाखाको परिचयदेखि उद्घघाटन समारोहको ढाँचा पनि नेवारी संस्कृतिअनुरुप गरिएको सिभिल बैंकका अध्यक्ष इ. इच्छा राज तामाङले बताउनुभयो ।
अध्यक्ष तामाङले परोपकार आदर्श माविको कक्षा ९मा अध्ययनरत सुनी राईलाई मासिक तीन हजारका दरले १ वर्षको जम्मा ३६ हजारको आर्थिक सहयोग विद्यालयका प्रधानाध्यापकलाई हस्तान्तरण गर्नुभयो ।
साथै कामपा वडा नं २० कै ज्येष्ठ नागरिक ९९ वर्षीय मायादेवी नकर्मीलाई बैंकका प्रमुख कार्यकारी अधिकृत गोविन्द गुरुङ, बाग्मती प्रदेशका प्रमुख भोला बहादुर बिस्ट तथा शाखा प्रबन्धक प्रदीप हमालले निजकै निवासमा गई दोसल्ला ओढाएर सम्मान गर्नुभयो ।
बैंकले देशभर १०६ वटा शाखाहरु तथा २ एक्स्टेन्सन काउन्टर र ५ वटा शाखारहित बैंकिंङ सेवाबाट सेवा दिदैं आएको छ।
वि.सं.२०७६ माघ २४ शुक्रवार १६:०४ मा प्रकाशित