काठमाडौं । दुई कम्पनीले आज (माघ २८ गते) बुक क्लोज गर्दै छन् । मंगलवार सेन्ट्रल फाइनान्स र रिलायन्स फाइनान्सले बुक क्लोज गर्दैछन्।
यी दुवै कम्पनीहरुले आगामी वार्षिक साधारण सभा र प्रस्तावित लाभांश प्रयोजनका लागि बुक क्लोज गर्न लागेका हुन् । बुक क्लोजको आधारमा (माघ २७ गते) सोमावारसम्म कायम शेयरधनीहरुले मात्र सभामा भाग लिन र लाभांश प्राप्त गर्न सक्नेछन् ।
यस वर्ष सेन्ट्रल फाइनान्सले ७ प्रतिशत र रिलायन्स फाइनान्सले ६ दशमलव ५८ प्रतिशत नगद लाभांश प्रस्ताव गरेका छन् । लाभांश सहित अन्य विविध प्रस्ताव सहित दुवै कम्पनीले फागुन १६ गते वार्षिक साधारण सभा बोलाएका हुन् । सोही सभा प्रयोजनका लागि कम्पनीहरुले बुक क्लोज गर्ने भएका हुन् ।
वि.सं.२०७६ माघ २८ मंगलवार ०९:३० मा प्रकाशित
