काठमाडौं । बुधवार नेप्से कारोबार भएको पहिलो घण्टामा ८ दशमलव १९ अंकले बढेर १ हजार ३४९ दशमलव ५७ विन्दुमा पुगेको छ । १ हजार ३४१ दशमलव शून्य ८ विन्दुबाट शुरु भएको परिसूचक कारोबारकोे यस अवधिमा शून्य दशमलव ६१ प्रतिशत बढेको हो ।
यस अवधिसम्म कारोबारमा आएका ११ समूहको परिसूचकमध्ये उत्पादन तथा प्रशोधन समूहको परिसूचक बाहेक बाँकी १० समूहको परिसूचक बढ्दा समग्र नेप्से बढेको हो ।
बुधवार पहिलो घण्टाको कारोबारमा १४३ ओटा कम्पनीको २ हजार ७०३ पटकको कारोबारमा ५ लाख ३५ हजार ५८७ कित्ता शेयरको रू. २६ करोड ९७ लाख बराबरको शेयर कारोबार भएको छ ।
यस अवधिमा नागरिक लगानी कोषको सर्वाधिक कारोबार भएको छ । उक्त कम्पनीको रू. ३ करोड ८९ लाख बराबरको शेयर कारोबार भएको छ । सो समयमा कम्पनीको शेयर मूल्य रू. २ हजार ७४३ मा कारोबार भइरहेको छ ।
कारोबार रकमकै आधारमा स्वरोजगार लघुवित्तको रू. १ करोड ५७ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ९४० रहेको छ ।
वि.सं.२०७६ माघ २९ बुधवार १२:०८ मा प्रकाशित
