काठमाडौं । बुधवार नेप्से परिसूचक १ हजार ३४५ दशमलव ९७ बिन्दुमा बन्द भएको छ । अघिल्लो दिनको तुलनामा ४ दशमलव ६० अंकले वृद्धि भएको हो ।
बुधवारको कारोबार अवधिमा १७३ ओटा कम्पनीको रू. १ अर्ब ५० करोड बरावरको शेयर खरीदविक्री भएको छ । सो अवधिमा १५ हजार १९९ पटकमा ३९ लाख ८६ हजार ७६९ कित्ता शेयर खरीद विक्री भएको हो ।
सबैभन्दा बढी नागरिक लगानी कोषको प्रतिकित्ता रू.२ हजार ७८४ मा रू.९ करोड ९७ लाख बराबरको शेयर खरीदविक्री भएको छ ।
कारोबारमा आएका १२ समूह मध्ये बैंकिङ् समूह,विकास बैंक र जलविद्युत कम्पनीको परिसुचक घटेको हो भने बाँकी समूहको परिसूचक बढेको छ ।
सेन्ट्रल फाइनान्सको शेयर ९ दशमलव ९३ प्रतिशतले बढेर सक्रिट ब्रेक लागेको छ । त्यसैगरी गुराँस लघुवित्त वित्तीय संस्थाको शेयर ९ दशमलव ८७ प्रतिशत वृद्धि भएर रू.७९० पुगेको हो । युनाइटेड मोदी हाइड्रोपावर कम्पनीको शेयर ३ दशमलव ५९ प्रतिशतले घटेर रू.१०९ पुगेको छ ।
वि.सं.२०७६ माघ २९ बुधवार १५:२१ मा प्रकाशित
