काठमाडौं । एनएलजी इन्स्योरेन्स कम्पनी लिमिटेडको हकप्रद शेयर फागुन २२ गतेदेखि विक्रीमा आउने भएको छ ।
नेपाल धितोपत्र बोर्डबाट पुस २९ गते स्वीकृति पाएसँगै कम्पनीले ३८ लाख ४२ हजार ४३७ दशमलव ५० कित्ता हकप्रद शेयर निष्कासन गर्न लागेको हो ।
कम्पनीले माघ २६ गतेसम्मका कायम शेयरधनीका लागि १० बराबर ६ ९१०ः६० को अनुपातमा हकप्रद विक्री गर्न लागेको हो । कम्पनीको हकप्रदमा चैत १२ गतेसम्म आवेदन दिन सकिन्छ । कम्पनीको हकप्रदलाई इक्रा नेपालले औषत आधार जनाउने ‘इक्राएनपी आईपीओ ग्रेड थ्री’ रेटिङ प्रदान गरेको छ ।
कम्पनीको हकप्रदमा लक्ष्मी क्यापिटल लिमिटेड, एनएलजी इन्स्योरेन्स कम्पनी लिमिटेडको कार्यालय, लक्ष्मी बैंकका शाखा कार्यालयहरु तथा आस्बा सदस्य सेवा लिएका सम्पूर्ण बैंक तथा वित्तीय संस्थाबाट पनि अनलाइन आवेदन दिन सकिन्छ ।
कम्पनीको विक्री प्रबन्धकमा लक्ष्मी क्यापिटल लिमिटेड रहेको छ । हाल कम्पनीको चुक्तापूँजी ६४ करोड ४ लाख ६ हजार २५० रहेको छ । हकप्रद बाँडफाँट पछि उक्त पूँजी १ अर्ब २ करोड ४६ लाख ५० हजार पुग्नेछ ।
वि.सं.२०७६ फागुन ४ आइतवार १०:०४ मा प्रकाशित