काठमाडौं । त्रिभुवन अन्तराष्ट्रिय विमानस्थलमा ’पर्यटन परी’ नामक रोबोटले यात्रुलाई सेवा दिने भएको छ । संस्कृति, पर्यटन तथा नागरिक उड्डयनमन्त्री योगेश भट्टराईले बिहीबार रोबोट सेवाको उद्घाटन गर्नुभएको छ ।
दुईवटा रोबोटले विमानस्थलमा यात्रुलाई देख्ने वित्तिकै अभिवादन गर्नेछन् । रोबोट विमानस्थलको आगमन र प्रस्थान कक्षमा राखिनेछ । रोबोटले अंग्रेजी र चिनियाँ भाषामा संवाद गर्नेछन् । रोबोटले नेपालका पर्यटन गन्तव्य भिसा प्रक्रियालगायतका विषयमा समेत जानकारी गराउने पर्यटनमन्त्री भट्टराईले जानकारी दिनुभयो ।
रोबोट सेवाको उद्घाटन गर्दै मन्त्री भट्टराईले रोबोटको साहयताले कामलाई अझ प्रभावरी र सूचनामैत्री बनाउने आशा व्यक्त गर्नुभयो । मन्त्री भट्टराईले विमानस्थल प्रविधिमैत्री र आधुनिक बन्दै गएको दावी गर्नुभयो । रोबोट नेपाली प्राविधिकले नेपालमै तयार गरेका हुन् ।
वि.सं.२०७६ फागुन ८ बिहीवार १५:०० मा प्रकाशित